Anëtari i Lëvizjes Vetëvendosje, Erzen Vraniqi ka thënë se në strukturat e partisë së tyre nuk është diskutuar për emra të caktuar për president.

Ai ka kërkuar që të ndalet me dezinformata.

Vraniqi ka thënë se qëndrimi  i VV-së dhe qëndrimi i figurave të LDK-së gjatë fushatës zgjedhore është se presidenti duhet të diskutohet kur t’i vijë koha

Postimi tij i plotë:

Mjaft me dezinformata!
As Albin Kurti, dhe as Lëvizja VETËVENDOSJE! nuk e ka propozuar, preferuar, mbështetur apo kundërshtuar asnjë emër të caktuar për president. Ne nuk e kemi bërë fare këtë diskutim në strukturat tona, sepse tash duhet të krijojmë qeverinë e jo të gjejmë presidentin. Qëndrimi ynë, ashtu si dhe qëndrimi i figurave të LDK gjatë fushatës zgjedhore, është se presidenti duhet të diskutohet kur t’i vijë koha.